Nga grabitja e ndodhur pak minuta më parë në Rinas, ku humbi jetën një person, “Balkanweb” na jep disa detaje sesi ka ndodhur ngjarja brenda aeroportit të Rinasit.
Autorët kanë qenë tre dhe lëviznin me një furgon të bardhë me mbishkrimin “hetimi tatimor”.
Ata kanë hyrë në zonën kargo të aeroportit pak pasi disa kompani sigurimesh kanë ngarkuar në avion paratë që do të lëviznin jashtë vendit.
Grabitësit kanë marrë paratë në avion dhe kanë dalë nga aeroporti.
Ata janë larguar në një rrugë dytësore, por grabitësit janë përballur me një makinë e Forcave të Ndërhyrjes së Shpejtë, e cila ka qenë në patrullim rutinë. Nga frika e kapjes, grabitësit kanë sulmuar me armë kallashnikov dhe granata FNSH-të, e cila është përgjigjur me zjarr.
Nga të shtënat ka humbur jetën një prej grabitësve.
Theksohet se bashkëpunëtorët e viktimës, kanë marrë trupin e pajetë dhe e kanë hedhur në lumë për të humbur gjurmët dhe janë arratisur.
Kur është gjetur nga policia, viktima nuk ka pasur asnjë mjet identifikimi në trup dhe nuk dihet ende emri i tij.
Policia është vënë në ndjekje të dy grabitësve të tjerë nga toka dhe nga ajri.
Kjo është grabitja e tretë që ndodh në aeroportin e Rinasit dhe ngjarja e sotme ka nxjerr në pah skandalin me sigurinë në aeroportin e vetëm ndërkombëtar të Shqipërisë. /gazetareforma.com
