Suksese të njëpasnjëshme! Capital T nderohet me çmimin e rëndësishëm

Capital T ka vendosur që pas 4 vitesh të jetë më aktiv se kurrë.

Projekte të reja, udhëtime, bamirësi dhe një koncert gjigant që do të mbahet më 19 shtator, kanë bërë që të gjithë të flasin për të.

Ditët e fundit e kemi parë të jetë shumë në lëvizje dhe ditën e sotme ka qenë në Krujë.

Vizita e tij lidhet me një ngjarje të rëndësishme, e cila i shton vlerat artistit.

Ai është nderuar me çmimin e Mirënjohjes nga Bashkia Krujë për promovimin që i ka bërë qytetit historik.

Klipi i këngës “Hatixhe” është xhiruar i gjithi në Krujë: në Kala, Muze dhe te Pazari i Vjetër i Krujës.

Kjo këngë është pëlqyer shumë nga publiku dhe ka mijëra klikime në Youtube.