Ishte Papa Françesku që mblodhi si rrallëherë të gjithë mediat botërore në kryeqytetin shqiptar më 21 shtator të 2014-s, ndërsa tani qëllimi i tyre është të ndjekin dhe të raportojnë për protestën e studentëve nga vendngjarja.
Për të shtatën ditë radhazi studentët vijojnë protestën për plotësimin e 8 kushteve të tyre, nga ulja e tarifës te rregullimi i konvikteve apo marrja e benefiteve si student.
Aktualisht në kryeqytet gjenden përfaqësues të mediave më prestigjioze të mbarë botës, nga “Reuters”, “Associated Press”, agjencia ANSA, si dhe gazetarë të “New York Times” e “Washington Post”.
Javën e kaluar këto dy mediat e fundit shkruan për një nga protestat më të mëdha jo-politike, që është organizuar në Shqipëri lidhur me arsimin.
