Studentët nuk tërhiqen derisa të plotësohen të gjitha kërkesat e tyre! Ashtu siç e kishin paralajmëruar, ata u mblodhën rreth orën 9.00 të mëngjesit në sheshin “Nënë Tereza” dhe nisën marshimit drejt godinës së Ministrisë së Arsimit.
“Protesta do vazhdojë, s’do ketë tërheqje. Do vazhdojmë deri në grevë urie”, tha një student në protestë për “News 24”.
“Nuk ka asnjë arsye të bisedojmë me Kryeministrin për sa kohë nuk plotësohen kërkesat bazë”, – theksoi një tjetër.
Mirëpo, gjatë marshimit të ditës së sotme ata kanë tentuar të shmangin kalimin në Bulevard apo Kryeministri, pasi nuk duan aspak të përfshihen me protestuesit që mund të mblidhen me 8 dhjetor në Ditën e Rinisë. Studentët zgjodhën të kalonin pas Presidencës, drejt zonës Libri Universitar, për të shkuar më pas në Ministrinë e Arsimit. Ata i bënë thirrje politikës të qëndrojë larg tyre sepse studentët po kërkojnë vetëm të drejtat që i takojnë.
Sakaq, ka nisur edhe protesta në qytetin e Shkodrës!
