“Vetëm Keisi mund të më nxjerrë nga “BBVK”, “Jam këtu për tu ribashkuar me bashkëshorten time”, këto janë dy deklaratat e fundit që Arkimed Lusha, i njohur si Stresi ka bërë për ish-partneren e tij brenda shtëpisë së “BBVK”.
Këto deklarata padyshim kanë rënë në vesh të të gjithëve, ku edhe vetë Keisi pati një reagim. Përpos tyre së fundmi ka reaguar edhe opinionistja e reality-show-t, Afërdita Paqarada e cila krahas një fotoje të reperit teksa bën kërkesën ka vendosur emrin e Keisit duke shkruar edhe “propozim” me një unazë.
Mesa duket ish-miss Kosova qenka fanse e ish-çiftit dhe dashka një bashkim të tyre.
“Vetëm po të më vijë ish-gruaja këtu, do kisha dalë nga “Big Brother” direkte. Harroje që ma mbush mendjen mua dhe harroje që e konkurron atë këtu”– u shpreh Stresi, duke lënë të kuptohet se Keisi është i vetmi person që mund ta “nxjerrë” nga “BBVK”.
“Unë kam ardhur për tre arsye në këtë “Big Brother”. Së pari, për të treguar kulturën që më ka dhënë nëna dhe babai im dhe për të treguar që nuk jam ai që më etiketojnë. Arsyeja e dytë është që të njoh veten akoma edhe më shumë, të harroj gabimet dhe shpresoj që pas Big Brother-it të bashkohem me bashkëshorten tim”, theksoi më heret Stresi.
