Duhet një aftësi për të realizuar një paraqitje nga koka te këmbët njëngjyrëshe, por disa janë fatlume. Gigi Hadid dhe Kendall Jenner janë një truk nën mëngë: stilisten Monica Rose.
Eksperta e modës në Los Angeles është dora udhëzuese e paraqitjeve më të mira të Jenne, Kardashian dhe Hadid, brenda dhe jashtë pasarelës.
Por në fakt është aftësia e saj për të kombinuar ngjyrat e grisë ose veshjet njëngjyrëshe në momentet e tyre jashtë punës, ajo që është kthyer në një shenjë dalluese dhe një pjesë e rëndësishme e stilit në 2015-n.
“Unë nisa të punoja me Kim Kardashian në 2007-n dhe pjesa tjetër është histori”, thotë Monica. Të dyja ato në atë kohë po rriteshin kaq shumë sa Rose hapi linjën e saj të bizhuterive, një projekt bashkëpunimi me Sarah Chloe. Në të përfshihen pjesë delikate floriri dhe argjendi që një vajze i duhen për të përfunduar paraqitjen e saj.
“Të krijosh paraqitje për jashtë pasarelës është ndryshe, por mua më pëlqen ta bëj këtë, sepse mund të krijoj një lidhje me personalitetin e çdo klienti, është më personale se sa të krijosh një paraqitje për në tapetin e kuq. Është me shumë instinkt dhe përfshihem e gjitha në moment, por është një bashkëpunim i ndryshëm për çdo klient. Jam profesioniste, por në të njëjtën kohë më pëlqen kur estetika në përgjithësi është e pamundimshme dhe nuk duket “perfekte”, shpjegon Monica.
*Shfleto galerinë
Burimi: Who What Wear
