Djali i ish-kryeministrit Sali Berisha, Shkëlzeni po kalon disa ditë pushimi me të dashurën e tij, Armina Mevlani. Çifti ka publikuar foton e parë të verës bashkë, teksa ndodhen në plazh.
I pari që e postoi foton ishte Shkëlzeni, i cili kishte shkruar edhe një dedikim të veçantë për partneren e tij: “You’re just too good to be true” (Je shumë e mirë për të qenë e vërtetë), citon Shkëzeni një varg nga kënga e famshme, “I can’t take my eyes of you”.
Sigurisht që “këngën” e ka vazhduar Armina në wall-in e saj: “Nuk mund t’i heq sytë nga ty”, shkruan ajo për gjysmën e saj, ndërsa të dy janë të veshur me rroba banjo ngjyrë blu.
Ishte vetë blogerja e njohur Armina Mevlani, e cila gjatë ditës së djeshme, në një intervistë në edicionin veror në “AbC News”, tha se kishte pushuar me miket e saj në Kroaci, e më tej ishte shkëputur për disa ditë me Shkëlzenin dhe fëmijët e tij. Tashmë ajo ndodhet në Shqipëri për të kaluar disa ditë pranë familjes së saj.
