Bilanci i viktimave nga koronavirusi në Spanjë është rritur për herë të parë brenda pesë ditëve këtë të martë kur u dha edhe informacioni ditor.
Rreth 743 njerëz kanë ndërruar jetë në 24 orët e fundit për të arritur gjithsej në 13,798 viktima.
Një ditë më parë rreth 637 njerëz humbën jetën në vendin me numrin e dytë më të lartë të viktimave në botë nga pandemia COVID-19.
Gjithsej rastet u rritën në 140.510 të martën nga 135.032 që ishin të hënën, tha Ministria e Shëndetësisë.
Italia dhe Spanja kanë qenë nën izolim të plotë që nga fillimi i marsit, por kanë filluar të shkojnë drejt normalitetit, pasi kriza është lehtësuar disi.
Ndërsa shifrat e së martës paraqesin një pengesë, zyrtarët shëndetësorë kanë paralajmëruar se shifrat ditore mund të jenë jo të besueshme për shkak të prapambetjeve dhe problemeve në raportimin e vdekjeve dhe rasteve të vjetra.
Do të thotë që vdekjet e ndodhura disa ditë më parë papritmas mund të raportohen të gjitha menjëherë, duke ndryshuar shifrat në ekstrem.
Në përgjithësi, shifrat e Spanjës po tregojnë një prirje të fortë rënëse – gjë që ka bërë që ministrat të deklarojnë se kulmi i shpërthimit të epidemisë ka kaluar.
Numri i pacientëve me koronavirus të shëruar në Spanjë është 43.208. Pak më shumë se 7,000 njerëz janë akoma nën kujdes intensiv spitalor.
/Daily Mail
