Vendimi nëse do të merren apo jo masa për emergjencën Covid-19 në Shqipëri është shtyrë për javën e ardhshme.
Mbledhja e Komitetit Teknik të Ekspertëve ishte parashikuar të mbahej gjatë ditës së sotme.
Aktualisht, mbeten në fuqi të njëjtat masa të marra javë më parë, që kanë të bëjnë me ndalimin e lëvizjes pas orës 22:00, ndalimi i grumbullimeve me më shumë se 10 persona dhe mbajtja e maskës mbrojtëse edhe në ambientet e jashtme publike.
Momentalisht nuk ka masa të tjera kufizuese por gjithsesi nuk përjashtoget mundësia që këto masa të ndryshohen para festave të fundvitit.
Një ndër skenarët e mundshëm që po diskutohet është fillimi i pushimeve dimërore më herët nga nxënësit e shkollave dhe zgjatja e tyre në më shumë ditë.
