Nëse ndiheni disi në ankth këtë të premte dhe s’po ju mban dot vendi deri sa të shkoni të blini atë pallton që ia keni vënë syrin prej javësh, ju kuptojmë sepse e kemi provuar dhe vetë!
“E premtja e zezë” është një prej ditëve më të rëndësishme të vitit, ajo e uljeve të mëdha, kur shumica prej nesh bëjnë mëkatet më të mëdha duke blerë pafund gjëra që thjesht na mbushin dollapin.
Ndaj ne e ndiejmë për detyrë që t’ju sjellim disa këshilla vërtet të mira për të bërë blerje të zgjuara dhe për të mos u hutuar si të tjerët këtë të premte.
1.Regjistrohuni
Bëhu një anëtare e dyqanit online të preferuar paraprakisht. Ju do të merrni njoftime me email kur shitjet të kenë filluar dhe në shumicën e rasteve do të jeni në gjendje të ruani sendet që ju dëshironi në shportën e dëshirave, të gatshëm për t’i blerë. Duke pasur adresat dhe të dhënat e kartës së kreditit tashmë të depozituara, do të kurseni kohë të çmuar.
2.Merrni në konsideratë tendencat
Dëgjoni dhe lexoni për trendet e reja. Nëse stilistët thonë se është koha e veshjeve me animal print, përse mos ta blini një të tillë. Por gjithmonë duhet të keni parasysh se këtë ditë ke mundësinë të blesh ato produkte që nuk i blen dot pa ulje sepse thjesht nuk ke mundësi financiare. Ndaj mos harroni, pak dhe saktë!
3.Luani pisët
Ndërsa shumë ekspertë këshillojnë të blini veshje për përditshmëri kur ka ulje bujare, shitjet të “Premten e Zezë” nuk janë për të blerë produkte që ju do t’i blini normalisht sepse janë të nevojshme. Uljet e çmimeve ofrojnë një mundësi për të përmirësuar cilësinë e përgjithshme të veshjeve- asnjë nga të cilat nuk është themelore, e mërzitshme ose veçanërisht “për përdita”.
4.Bëni pazar me 2019-n në mendje
Keni në plan të shkoni larg verën e ardhshme? Mund t’ju tingëllojë e çmendur të blini bikini tani, por ato janë më reale se një fustan që ju me siguri nuk do të keni asnjë rast kur ta vishni. Ne ju sugjerojmë t’i konsideroni seriozisht syzet e diellit dhe veshjet verore gjithashtu. Do ta falenderoni veten (por edhe ne) verën që vjen.
5.Merrni një shoqe me vete
Jo vetëm që do të argëtoheni në dyqan nëse ju shoqëron dikush që e doni, por mund të jetë gjithashtu e dobishme! Nëse ka pak numra veshjesh nga ajo e preferuara, ju mund të punoni së bashku për t’i gjetur ato. Këshillat, apo gjetja e veshjes së duhur këtë të premte, janë ato që ju duhen.
6.Njihuni me politikën e dyqanit për kthimin e veshjeve
Para se të futësh në çantë atë këmishën e preferuar, pyet shitësen nëse lejohet kthimi i saj dhe brenda sa ditësh. Shumë gabime bëhen me blerjet gjatë “të Premtes së Zezë”, kështu që është mirë të tregoheni të kujdesshëm.
7.Flisni dhe tregohuni miqësorë me njerëzit e tjerë që po presin në radhë
Nëse shihni diçka që ata kanë në dorë dhe ju pëlqen pa masë, pyetini ku e morën atë. Mund të gjeni gjëra vërtet të nevojshme kur shihni zgjedhjet e të tjerëve dhe duke u treguar miqësorë, mund edhe të ruash vendin tënd në radhë, pasi ke ikur të marrësh atë veshje/aksesor. Gjithmonë mbaj mend: Edhe personi që ke para në radhë është i lodhur dhe mezi po qëndron në këmbë!
