Më 26 gusht të vitit 1910, lindi në Shkup, nga një familje shqiptare, Gonxhe Bojaxhi. Ajo udhëtoi drejt Kalkutës së Indisë, duke iu shërbyer njerëzve të varfër dhe u njoh si Nënë Tereza.
Fama e saj tanimë është ndërkombëtare, për kontributin në ndihmë të njerëzve të varfër dhe të harruar. Shqiptarja fitoi edhe çmimin “Nobel” për paqen. Duke qenë se aktivitetin e saj më të shumtë e ushtroi në Indi, janë pikërisht banorët e këtij shteti që e kujtojnë nobelisten shqiptare.
Ata kanë kryer një sërë ceremonish me rastin e ditëlindjes së Nënë Terezës. Këta ditë, më 4 shtator, shqiptarja do të shenjtërohet në Vatikan. Kisha Katolike e Shqipërisë ka shpërndarë kalendarin e aktiviteteve me rastin e shënimit të kësaj ngjarjeje, në Kosovë, Shqipëri dhe në Itali.
PROGRAMI I AKTIVITETEVE NË SHQIPËRI
10 Shtator 2016, ora 10.00, në Katedralen e Sapës (Laç, Vau i Dejës),
Meshë falënderimi në nivel kombëtar.
11 Shtator 2016, Meshë falënderimi në çdo famulli.
PROGRAMI I AKTIVITETEVE NË KOSOVË
10 Shtator 2016, Meshë falënderimi në katedralen “Nënë Tereza” në Prishtinë.
11 Shtator 2016, Meshë falënderimi nëpër famullitë e Kosovës.
PROGRAMI I AKTIVITETEVE NË ROME – ITALI
1 SHTATOR 2016
“Ekspozita e jetës dhe mesazhi i Nënë Terezës”, pranë universitetit “Lumsa”, në kompleksin “Giubileo”, përgjatë rrugës “Porta Katelo”. Kjo do të qëndrojë e hapur deri me datë 7 shtator 2016. Në ekspozitë hyrja është falas.
Ora 16 deri më 20.30, është festa e familjes së misionareve të dashurisë dhe e të varfërve me pjesëmarrjen e tyre në auditorin “Santa Cecilia”, në rrugën “Konciliazione”. Pas një ceremonie të mirëseardhjes, do të shpaloset një demonstrim muzikor kushtuar shenjtëreshës së re, nga Mikele Pauliceli dhe grupi i tij.
2 SHTATOR 2016
Në mëngjes, meshë në gjuhë të ndryshme në bazilikën e Sant’Anastasia al Palatino.
Ora 09.00: Mesha në anglisht;
Ora 10.30: Kremtim në spanjisht i udhëhequr nga Emilio Karlos Berlie;
Ora 12.00: Kremtim në italisht i udhëhequr nga kardinal Angelo Komastri, vikar i përgjithshëm i shenjtërisë së tij për shtetin e qytetit të Vatikanit.
Në përfundim të secilës meshë do të mundësohet nderimi i relikteve të së lumturuarës Terezë të Kalkutës e gjithashtu do të jepet edhe mundësia që pjesëmarrësit t’i afrohen sakramentit të rrëfimit. Në pasdite, shtegtarët lirisht mund të kalojnë portat e shenjta apo të vizitojnë ekspozitën e Nënë Terezës.
Gjatë mbrëmjes, duke filluar nga ora 20.30, shtegtarët do të marrin pjesë në vigjiljen e lutjes me adhurimin solemn në bazilikën e San Xhovani in Laterano, udhëhequr nga vikari i Romës, kardinali Agostino Valini e të animuar me muzikë nga kori i drejtuar nga Marko Frisina.
Gjatë zhvillimit të vigjiljes së lutjes, tema e së cilës është “Duke rrezatuar dritën e Krishtit: Një thirrje drejt shenjtërimit”, qëllimet e lutjes do t’u drejtohen shenjtërimit të familjeve, të rregulltarëve e veçanërisht të meshtarëve, mbarështuesve të mëshirës. Veç të tjerave, përgjatë adhurimit do të jetë e mundur, që në gjuhë të ndryshme, pjesëmarrësit t’i afrohen sakramentit të rrëfimit.
3 SHTATOR 2016
Ora 10.00: në sheshin e Shën Pjetrit Vigjilja e kanunizimit, Papa Françesku do shprehet nëpërmjet katekizmit.
Ora 17.00: Lutje dhe meditim, shoqëruar me art e muzikë.
Një “orator” i së lumturës Terezë e Kalkutës, të titulluar “Madhër”, kompozuar nga Marcelo Bronzeti il Fedeleamato, me korin e orkestrën Fideles et Amati, në bazilikën e Sant’Andrea della Valle.
Ora 19.00: Ngjarja do të kulmojë me nderimin e relikteve të së lumturës Nënë Terezë si dhe kremtimin e meshës së shenjtë.
Ora 19.30: Bazilika e Shën Palit, Sheshi i Shën Palit. Koncerti i himnit të Nënë Terezës.
Yjet shqiptare me famë botërore Inva Mula, Ermonela Jaho, Rita Ora, Shkëlzen Doli, Saimir Pirgu, Ramë Lahaj, Gëzim Myshketa e shumë emra të tjerë të njohur zbresin në Vatikan në vigjilje të shenjtërimit të Nënë Terezës.
4 SHTATOR 2016
Ora 10.00 Në Sheshin e Shën Pjetrit zhvillohet liturgjia solemne dhe riti i kanonizimit, të kremtuar nga Papa Françesku, ç’ka do të pasohet nga engjëlli i Zotit i orës 12.00.
5 SHTATOR 2016
Ora 10.00: Në Sheshin e Shën Pjetrit
Mesha e falënderimit për festën e parë të Shën Terezës së Kalkutës, do të udhëhiqet nga Kardinali Pietro Parolin, sekretar i shtetit.
Ora 16 – 18.30
Nderimi i relikteve në bazilikën e San Giovannit në Laterano. Gjithashtu nderimi do të vazhdojë edhe më 6 shtator, nga ora 07.00 deri në 18.30.
7 e 8 SHTATOR 2016
Ora 09.00 – 18.00:
Zhvendosja e relikteve të themelueses së misionareve të dashurisë në kishën e San Gregorio Magno, dhe çaste nderimi nga ana e besimtarëve. Gjatë këtyre ditëve ora 8.30-11.30 si dhe 16.30-19.00, njerëzit gjithashtu do të kenë mundësinë e vizitës së dhomës së Nënë Terezës në kuvendin e San Gregor-it.
19 SHTATOR 2016
Ekspozitë mbi figurën e shenjtëreshës shqiptare në Mitingun e Riminit 2016.
25 SHTATOR 2016
Takimit përmbyllës i së enjtes
