Katër femrat e njohura të ekranit shqiptar celebruan dashurinë e tyre këtë vit. Ishte fillimisht Jona Spahiu, më pas Afërdia Dreshaj, Sara Hoxha dhe së fundmi Elita Rudi, të cilat ndryshuan status në të martuara.
Jona Spahiu
Jona Spahiu organizoi me bashkëshortin e saj Frenkli Ymerin një dasmë madhështore me mbi 500 të ftuar, më 11 gusht. Çifti kishte menduar në detaje të gjithë ceremoninë, por vëmendja ishte te nusja shtatzënë. Në atë kohë moderatorja ishte në tremujorin e fundit të shtatzënisë.
Ajo kishte zgjedhur një fustan të fryrë me mëngë të gjata me detajet e perlave dhe të luleve të realizuara përmes copës.
Makijazhi i saj ishte shumë natyral dhe flokët e gjatë i mbante gjysmë të kapur.
Afërdita Dreshaj
Këngëtarja shqiptare u martua në Miami më 29 qershor me hokeistin çek, Jakub Kindl. Gjatë celebrimit ajo zgjodhi një fustan të ngushtë, me detajet e tylit dhe dantellës.
As tualeti i Afërditës nuk ishte i rënduar, ndërsa flokët bjonde i mbante të mbledhura poshtë vellos.
Sara Hoxha
Pavarësisht se dasma e Sara Hoxhës u mbajt më 11 gusht, fotot nga ceremonia u postuan vetëm në shtator. Pasi pritjes i erdhi fundit, ajo tregoi fustanin e bardhë që kishte zgjedhur. Me modelin e fryrë dhe i zbukuruar i gjithi me punimet me dorë, një rol kryesor në paraqitjen saj luante edhe velloja.
Flokët i mbante të mbledhura topuz, ndërsa për makijazhin i qëndroi besnike stilit të saj: sa më pranë natyrales.
Elita Rudi
Moderatorja nga Kosova kurorëzoi dashurinë mbrëmjen e 21 shtatorit dhe paraqitja e saj përputhej shumë me atë të nuseve shqiptare, ku duhet të mbizotërojë shkëlqimi.
Fustani i fryrë ishte i zbukuruar me detajet e kristaleve dhe puplave, ndërsa pak ditë më parë mësuam se është dizajnuar enkas për të.
Flokët i mbante të kapura dhe kishte zgjedhur një aksesor me detajet e luleve. Nga ana tjetër makijazhi theksonte tiparet e saj.
Burimi: Iconstyle.al
