Jonida Maliqi është mjeshtre e transformimit!
Këngëtarja është një kameleon i vërtetë kur bëhet fjalë për shndërrimin e flokëve, ndaj besojmë se nuk ka lënë ndonjë model pa provuar.
E ftuar në emisionin “Pop Culture”, Jonida Maliqi rrëfeu herën e parë kur vendosi të lyente flokët e saj.
“Kam qënë me korin e Liceut Artistik në Zvicër. Shkuam në një supermarket dhe bleva në shampo color. Kur u kthyem në hotel, mi lyen shoqet. I bëra flokët e zeza. Isha 16-17 vjeç.” – tregoi këngëtarja shqiptare.
Jonida foli edhe për një dashuri tjetër të saj, ajo për tatuazhet. Këngëtarja u rikthye pas në kohë dhe rrëfeu se ishte 16 vjeç kur vendosi të kishte tatuazhin e saj të parë.
“Kam bërë një tatuazh kur kam qënë 16 vjeç. Për më shumë se një vit, iu luta mamit të kisha një byzylyk të hollë në dorë. Kur më në fund pranoi, shkova me vrap dhe realizova një diell të madh në dorë. Mami ka qarë për një kohë të gjatë.” – përfundoi këngëtarja e hitit “Thesar pa emër”.
