Kur Solange publikoi albumin e ri, “A Seat at the Table”, fansat e saj e kuptuan menjëherë misionin e saj për fuqizimin e femrave me ngjyrë. Por gjithashtu dëgjuesit e krahasuan me albumin e motrës së saj Beyonce, “Lemonade”, e cila veç temave të tradhtisë dhe të martesës, përcjell një mesazh të ngjashëm të fuqizimit.
Ndërsa fliste për albumin e saj të ri për revistën “The Fader”, Solange sqaroi se çfarë e bënte “A Seat at the Table” dhe “Lemonade” kaq të ngjashme.
“Ne kemi të njëjtën nënë dhe të njëjtin baba. U rritëm në të njëjtën shtëpi dhe kështu që kemi dëgjuar të njëjtat biseda”, tha Solange për revistën, duke përmendur edhe lidhjen e nënës së saj Tina Lawson me mediat sociale. “Një nga gëzimet kur mami hapi “Instagram”-in, është se njerëzit nisën të kuptonin ambientin se ku u rritëm. Përmes zërit te saj dhe avokatisë së saj për barazinë e njerëzve me ngjyrë dhe dukshëm përmes videos “Don’t Touch My Hair”, njerëzit janë më të qartë në drejtim të edukimit që kemi pasur dhe bisedave për politikën dhe shoqërinë që kemi pasur në jetën e përditshme”, tregon këngëtarja.
Ajo vazhdon më tej duke thënë: “Nuk duhet të jetë e habitshme që dy njerëz, që u rritën në të njëjtën shtëpi nga të njëjtit prindër, të cilët janë shumë të vetëdijshëm, ashtu si të gjithë të tjerët, për të gjitha pabarazitë, dhimbjet dhe vuajtjet e njerëzve tanë tani, do të krijojnë një art që e reflekton atë”.
Lidhur me Beyonce, Solange nuk tregoi asgjë veçse krenari për muzikën e saj dhe aktivizimin: “Jam shumë krenare për motrën time dhe jam me të vërtetë krenare për punën e saj dhe do të jem gjithmonë. Motra ime ka qenë gjithmonë një zë për njerëzit me ngjyrë dhe fuqizimin e tyre. Dhe unë falënderoj prindërit për këtë”.
Burimi: Harper’s Bazaar
