Duke qenë se situata e Covid-19 në Shqipëri po vjen duke u përmirësuar, kryeministri Rama ka vendosur të ndjekë strategji të reja për masat lehtësuese dhe qarkullimin e personave sipas qyteteve.
Rama shprehet se s’mund të qëndrojmë të mbyllur deri në pafundësi, por duhet të veprojmë me kujdes për të vazhduar jetën për të bërë ende kujdes nga pandemia.
Kryeministri përmendi qytetet të cilat do të kenë më shumë lehtësi gjatë kësaj periudhe dhe në këtë kategori futen vendet që kanë shfaqur shifra shumë të ulëta të të infektuarve.
Ndërkohë, në vatrat e nxehta do të vazhdojnë të ndiqen të njëjtat masa parandaluese.
“E para faza dy e strategjisë tonë të luftës nuk ndryshon shumë nga ajo e vendeve të tjera. Qasja jonë do jetë pak më e ndryshme taktikisht. Pse? Virusi nuk ikën meqë ne rrimë mbyllur. Kur ne rrimë mbyllur virusin nuk vret dot, por ai është aty pas derës tonë dhe sapo dalim jemi të ekspozuar nga mundësia që ai të na godasë. Deri kur të dalë vaksina, mblidheni mendjne se duhet të jemi të vëmendshëm dhe se nuk duhet të shkelim më nga shtëpitë e njëri tjetrit pa u zhdukur ky armik. Por as nuk mund të mbyllemi dot pafundësisë pa gjeneruar më të ardhura për familjen kur kanë mbaruar kursimet dhe personat që mund të ndihmojnë, kjo është e papranueshme qoftë për një familje e qoftë për një shtet. Atëherë si i bëhet? Është si loja masja me miun që iu duhet të dal për tu ushqyer edhe pse rrezikohet nga macja dhe qëllimi i tij është që të ruhet dhe nga macja, njësoj si ne me virusin.
Do të përdorim një taktikë, do të hapemi me kujdes, por jo kudo njëlloj. Po ta shohim sot bilancin e Shqipërisë në hartën e Ballkanit apo Eruopës, jemi në grupin e vendeve më të suksesshme, në dy parametrat kryesorë, te numri i të vdekurve në një milion banorë dhe numri i pacientëve në terapi në raport me të infektuarit. Masat kanë dhënë efekt, por falë qytetarëve, që në 99% keni qenë engjëjt mbrojtës të familjeve. Po të shohim hartën, vala e goditjes nuk ka qenë kudo e njëjtë, që do të thotë se po të hapemi kudo njëlloj rrezikojmë ta zgjerojmë fushën e armikut dhe rrezikojmë kthimin e të gjithëve mbrapa. Për shembull në Gjirokastër apo Dibër ku risku është shumë i ulët mund të kemi më shumë lehtësim masash, por në Krujë asnjë lehtësim, apo në Tiranë dhe Durrës një lehtësim të moderuar. Këto mund të variojnë në varësi të dinamikës së luftës dhe sjelljes së qytetarëve. Kjo qasje do të lehtësojnë shumë në zona të ndryshme lëvizjen me këmbë apo me makinë. Brenda disa bashkive mund të lehtësojmë shumë lëvizjen. Për shembull për njerëzit e fshatit për të shkuar në qytet, apo një familje që të rrijë e gjithë brenda. Edhe fshat orare nuk kanë pse të jenë njëlloj si në zonat me risk të ulët dhe te ato me risk të lartë. Masat e shtrënguara në një zonë me rrezik të lartë, mund ta kthejnë me rrezik të ulët si zonë. Javën e ardhme në bazë së hartës së epidemisë do të pilotojmë në disa zona me risk të ulët një lehtësim të masave.”- u shpreh Rama.
https://www.facebook.com/edirama.al/videos/244138400373415/?__xts__[0]=68.ARAXGHvEuYDxMP3X-ciK0NDyNvEENsRFqy1Va8nec9gkbOFmGKfVUe_L2YD6k_twvZ7VeR8KUK47qfEUBkcYYhnIGi94pV1DZum5vtqoq2qSbEG07mRLY6ttHiXd2HsmBSFOZcz7tNgAHsEfDcbZRGr_JSoZac-ktbpevr7bfNrvnNRbM4cdgrohpH68O36bOVgOxBCTup5oiniHbuFk7f4IrjlMx4-Xyw4sIM0SdxzQ5Q3inqd8aZAoM6tf_fgeY7s0Gxx5g_FAOL6YDre0iji-pXmg5DuxKwoR_8dRk0p_bbXIGDunVJF38bOz61yatC77zu-bt3A-onfHqXXnTgbZE5I&__tn__=-R
