Bulevardi i Ri nga ish-stacioni i Trenit deri tek kryqëzimi me rrugët “Siri Kodra” dhe “Jordan Misja” është hapur sot edhe për automjetet.
Kreu i Bashkisë, Erion Veliaj, ishte i pranishëm dhe tha se tashmë zgjidhet edhe problemi me trafikun.
“Jam shumë i lumtur që kemi hapur sot sheshin e tretë të bulevardit dhe ende pa përfunduar pjesa finale e tij, është funksional për automjetet. Ata që banojnë në njësitë 8 dhe 9, të lidhur përmes rrugëve ‘Siri Kodra’ dhe ‘Jordan Misja’, kanë një mundësi të shkëlqyer të shkurtojnë kohën e tyre në trak, duke kaluar nga njëra njësi tek tjetra, duke e parë bulevardin si urë dhe jo si ndarje. Jam shumë i lumtur që zgjidhet një nyje e trakut që i afrohet asaj që në të ardhmen do jetë Unaza e katërt e Tiranës”, tha Veliaj.
Më tej, kryebashkiaku theksoi se ashtu si në këtë bulevard, puna nuk do të ndalet në asnjë projekt tjetër të Bashkisë së Tiranës.
“Për pak ditë përgatitemi të festojmë 99- vjetorin e Tiranës kryeqytet. Kemi 99 vjet që vazhdojmë të mbarojmë projektin që nisën italianët, kur vjen puna tek bulevardi dhe aksi origjinal i tij, i konceptuar nga italianët, i cili mbeti pa u mbaruar edhe nga komunistët, edhe nga kjo përpëlitja jonë 30-vjeçare. Ndaj, për të gjithë ata që duan ta shohin Tiranën Zonjë, do të duhet që të mbështetin Tiranën e punës, Tiranën e pastër, Tiranën e drejtë, Tiranën që nuk bllokohet nga një minorancë e zhurmshme, por që fuqizohet nga një shumicë e heshtur”, u shpreh kryebashkiaku.
