Nëse jeni në fillim të karrierës suaj, dihet që do ta keni të vështirë. Puna juaj e parë do t’iu frikësojë, kjo edhe për shkak të kolegëve, të cilët mund të jenë më me shumë përvojë dhe mund të mos jenë aq pozitiv për t’iu ndihmuar. Ja disa këshilla se si të ndiqni rrugën e duhur.
1.Thyeni stereotipat që jeni të reja dhe pa përvojë
Fatkeqësisht, pa marr parasysh sa të zgjuar jeni do të ketë “sulme” ndaj jush: për moshën tuaj. Të jeni të rinj, do të perceptoheni si dikush që pëlqen festat dhe alkoolin çdo natë, jeni shumë të zënë me rrjetet sociale ose ende jeni të varur nga prindërit. Përderisa këto të gjitha mund të jenë të vërteta, ju mund të bëni disa gjëra të fitoni respektin nga kolegët më të vjetër.
2.Mos përfundoni e para orarin e punës
Kjo është një shprehi e keqe për të gjitha moshat. Por edhe të rrini shumë pas orarit do të bëjë të tjerët të mendojnë se ju nuk po mund t’i përfundoni gjërat në kohën e caktuar. Në vend të kësaj shkoni në punë 10 ose 15 minuta më herët dhe qëndroni disa minuta më gjatë. Kjo tregon se ju po përkushtoheni mjaft në punë dhe të gjithë do ta vërejnë këtë.
3.Vishni rroba serioze
Nëse pantallonat e lëkurës dhe thonjtë e gjatë janë moda e fundit dhe punoni në një ambient shumë serioz, këshillohet që të ndërroni stil. Vishuni ashtu siç e kërkon vendi dhe puna në mënyrë që të dukeni e matur dhe serioze në karrierën tuaj.
4.Bëni shumë pyetje
Askush nuk di si t’i bëjë punët në javën ose muajin e parë të tyre. Nuk ka asgjë më keq se të mendoni se i dini të gjitha. Në vend të kësaj më mirë bëni pyetje, mbani shënime dhe flisni gjatë takimeve. Do të befasoheni sa mirë do t’ju shkojë puna duke i bërë këto.
5.Mos merrni përparësi
Pushime të gjata të drekës, pushime të shpeshta ose të kaloni shumë kohë duke hulumtuar në internet se sa që punoni, janë gjërat që të rinjtë fajësohen nëse i bëjnë në punë. Edhe pse të gjithë rreth teje duket se i bëjnë këto, kjo është një praktikë e keqe dhe shumë shpesh arsye për largim nga puna. Shumë kompani kanë të punësuar njerëz për të shikuar këto lloj sjelljesh ose kanë të instaluar programe për të monitoruar këto, kështu që mos i bëni.
6.Thojini jo alkoolit
Shumë punë të kompanive të ndryshme përfshijnë dhe udhëtime jashtë vendit, ngjarje për rrjetëzim dhe marrëveshje të reja që shpesh shoqërohen dhe me alkool falas. Mund të jetë e vështirë t’i refuzoni, por dini limitet tuaja dhe pini në mënyrë të moderuar. Asgjë nuk është më e keqe se sa të shkoni në një udhëtim pune dhe të bëni diçka që mund të pendoheni.
Burimi: Elite Daily
