Mjeku i Urgjencës Dritan Koçiaj ka ngritur alarmin për situatën në spitalin Covid 2, Shefqet Ndroqi dhe jo vetëm.
Në një status në llogarinë e tij në Facebook, ai i bën thirrje Kryeministrit të vendit, Komitetit të Ekspertëve dhe Ministrisë së Shëndetësisë të veprojnë sa më shpejt për këtë situatë të rëndë.
Koçiaj tregon se nuk ka më asnjë vend në urgjencë e pavione, ndaj duhet të hapet sa më shpejt spitali Covid 4 për të shpëtuar jetët e njërëzve.
“Ju lutem zgjohuni se nesër do jetë vonë”- shprehet ndër të tjera në thirrjen e tij mjeku.
“Thirrje publike.
Drejtuar komitetit te eksperteve, ministres se shendetesise, kryeministrit te vendit.
Ju lutem zgjohuni nga gjumi.
Eshte ora 03 e mengjesit sot dt 22 nentor eshte ftohte dhe kam 3 ore e gjysem me pacient ne autoambulance ne deren e spitalit Shefqet Ndroqi.
Porsi une jane dhe 6 autoambulanca te tjera me paciente.
Vende ne urgjencen pritese po keshtu dhe ne pavione nuk ka.
Vazhdojme t’i nderrojme bombolat e 02 autoambulancave por kjo nuk eshte zgjidhje.
Nderkohe me bindje jua them se ne linjen e 127 kush e di sa jane ne pritje.
Ju lutem zgjohuni nga gjumi hapni syte dhe shikoni te verteten ne sy.
Ju lutem zgjohuni dhe hapni Covid 4 qofte edhe me infermiere per oksigjenimin e pacienteve me saturime te uleta.
Ju lutem zgjohuni dhe angazhoni shtreterit ne spitalet rajonale sadopak qofshin ato.
Ju lutem zgjohuni se neser do jete vone.
Po kolapsohet sistemi.
Cdo jete vlen.
Dhe cdo jete e humbur do jete ne ndergjegjet tuaja jo te ne mjekeve apo infermiereve qe punojme e do vazhdojme te punojme.
Dritan Kociaj mjek.”- janë fjalët e tij.
