Epidemia e fruthit po shndërrohet në një problem mjaft shqetësues. Ditën e sotme ka humbur jetën një 12 vjeçar nga Fushë –Arrëzi.
Sipas të dhëna të para mësohet se djali 12 vjeçar prej disa ditësh ishte prekur nga fruthi, ndërsa fatkeqësisht nuk ka mundur të mbijetojë. Ai ka gjetur vdekjen në shtëpi ndërsa dyshohet se shkak ka qënë pikërisht prekja e tij nga fruthi, që i ka marrë dhe jetën.
Por fatkeqësisht edhe motra e vëllai i 12 vjeçarit që humbi jetën janë prekur nga fruthi. Mësohet se vëllai dhe motra tjetër 9 dhe 15 vjeç janë transportuar në gjendje të rëndë me helikopter në Tiranë.
Kjo nuk është viktima e parë nga fruthi në vendin tonë. Dy foshnja pak muajshe kanë humbur jetë në spitalin “Nënë Tereza”, pasi ato nuk kishin bërë vaksinën sepse nuk kishin mbushur ende moshën.
