Pas dy muajsh si kontinenti më pak i prekur nga Covid-19, gjërat kanë ndryshuar për Amerikën e Jugut.
Tashmë, ky vend është kthyer në epiqendrën e re të pandemisë.
Sipas Organizatës Botërore të Shëndetësisë, Brazili është shteti më i goditur, ndërkohë që po rriten rastet edhe në disa shtete afrikane që kanë pasur deri më tani numër të vogël të rasteve të vdekjeve.
“Në njëfarë mënyrë, Amerika Jugore është kthyer në epiqendrën e re të përhapjes së sëmundjes”, ka thënë eksperti për emergjenca në OBSH, mjeku Mike Ryan, duke teksa ka shtuar se Brazili është qartësisht vendi më i prekur.
Sipas Ryan, autoritetet braziliane kanë miratuar përdorimin e ilaçit kundër malaries, hydroxychloroquine, për t’i trajtuar pacientët e prekur me koronavirus.
Ai ka njoftuar gjithashtu se nëntë shtete afrikane kanë pasur rritje për 50 për qind të rasteve të prekura me këtë virus në javën e kaluar, derisa të tjerat kanë përjetuar shkallë të normalitetit.
Shkalla e ulët e vdekshmërisë mund t’i atribuohet gjysmës së popullsisë të moshës 18 vjeç apo më pak, ka thënë ai, teksa ka shtuar se ende është i shqetësuar që kjo sëmundje mund të përhapet në kontinentin afrikan, i cili ka probleme të theksuara me shërbimet për kujdes intensiv dhe pajisje për ventilim.
Në rang botëror deri tani janë regjistruar 5,281,148 të infektuar dhe 338,716 vdekje.
Shtetet e Bashkuara të Amerikës numërojnë 1,642,238 të prekur dhe 97,528 viktima, duke u renditur e para në rang botëror, ndjekur nga Rusia me 326,448 të prekur dhe 3,249 të vdekur dhe Brazili me 319,069 të infektuar dhe 20,541 viktima.
