Sinan Vllasaliu ka folur me nostalgji për mungesën e të atit në një intervistë në emisionin “Sol” në Klan Kosova. Ai ka rrëfyer se nuk ka ndier ngrohtësinë e prindit të tij kur ishte fëmijë dhe se shpesh ka lakmuar për t’u rritur si fëmijët e tjerë që kishin të dy prindërit pranë. Megjithatë, ai thekson se ka pasur një nënë të fortë, e cila ka luajtur një rol kyç në formimin e tij dhe në atë që është sot.
Është lakmia te të tjerët, se fëmija lakmon, si pjesa e dhuratës për shembull. Kur të gjithë fëmijët marrin dhurata nga prindërit, ti njërin nuk e ke. E ke një nënë të shenjtë, e cila të përmbush, të bën të ndihesh më i fortë se tjerët, se të përgatit ashtu, sepse tek e fundit ne jemi brumë si na përgatisin ata, ashtu jemi edhe sot. Më besoni se njerëzit më të suksesshëm, njerëzit më të mirë janë ata. Unë e kam pasur një nënë të fortë, por kur duhet. Ka pasur edhe tolerancë kur duhet. Ajo ka pasur rolin kryesor në atë që unë jam sot.
