Një infermiere në Qendrën e Kujdesit të Jetës në Kirkland tregoi për “CNN” se çfarë ajo kishte vënë re gjatë kujdesit për të infektuar me Covid-19.
Infermierja zbuloi se sytë e skuqur ishin simptoma e përbashkët e të gjithë të prekurve nga koronavirusi.
Përveç simptomave të tjera si ethe, kollë dhe gulçim, sytë e skuqur ishin detaji që kishte vënë re tek të gjithë pacientët e infektuar.
Në fakt, nuk bëhet fjalë për një skuqje të pjesës së bardhë të syrit, por një skuqje e lehtë në pjesën e jashtme të tij.
Pavarësisht shfaqjes apo jo të simptomave të tjera, në momentin që pacientët shfaqeshin me sy të skuqur, infermierja e kuptonte se për çfarë bëhej fjalë.
Megjithatë, ky është vetëm një konstatim i saji dhe ende nuk është “futur” zyrtarisht në simptomat e Covid-19.
Deri tani, në rang global koronavirusi ka shënuar 19,757 vdekje dhe 440,704 raste të infektuara.
