Këngëtarja Elvana Gjata ishte e ftuara speciale speciale në spektaklin “Dancing With the Stars”. Ajo dhuroi një performancë elektrizuese mbrëmjen e djeshme në skenë dhe më pas gjykoi performancat e konkurrentëve si anëtare jurie.
Por si u ndje Elvana Gjata në këtë rol? Vetë këngëtarja tha gjatë spektaklit se ndjehet në “siklet” ndërsa së fundmi ka publikuar edhe këtë foto që i thotë të gjitha.
Kujtojmë se as mbrëmjen e djeshme nuk munguan debatet në “DWTS”. Partnerja e Ledrit, Sara Hoxha dhe Luixhino kërcyen një vals nën tingujt e këngës së Elvana Gjatës “Më fal”.
Dyshja u vlerësuan vetëm me 38 pikë nga 50 të mundshme në total, pasi jurisë i ishte shtuar edhe këngëtarja e njohur, Elvana Gjata.
Sara Hoxha u kritikua nga anëtarët e jurisë të cilët e vlerësuan performancën e saj si të ftohtë dhe pa emocion.
Konkurrentja e “DWTS” sigurisht e mbrojti veten duke u shprehur se kishte shumë pak ditë për tu përgatitur.
“Kishim vetëm 4 ditë kohë të mësonim kërcimin, të mësoja unë të aktroja…”, tha Sara.
Mirëpo në këtë moment ajo u ndërpre nga Dalina Buzi e cila duket se nuk i përton komentet e saj. Ajo i tha Sarës se vetëm justifikohej.
“Sara këtë nuk duhet ta thuash më kurrë se e ke bërë si justifikim. Këtë nuk duhet ta thuash më kurrë, nuk na intereson më shpirt se çdo njeri këtu do thotë kam 4 ditë kohë. Në fund ne duam të shikojmë kërcimin”, u shpreh ajo.
