Gjithkush e di se modelja Heidi Klum është e njohur për kostumet e saj të çmendura të Halloween-it. Çdo vit, Klum angazhon një staf gjigant me aktorë, make-up artistë dhe parukierë si dhe dizajnues për kostumet e saj të bëra me porosi.
Vjet, modelja 44-vjeçare u shfaq në tapetin e kuq të 17-vjetorit të festës së përvitshme të “Halloween”-it në Nju-Jork, me pesë klone.
Pa dyshim që shumë përgatitje të kujdesshme janë dashur për t’i bërë femrat e tjera të duken njësoj si bukuroshja gjermane, te eventi gala mbajtur në restorantin “Vandal”.
Sigurisht, që këtë vit prisnim surprizën e radhës dhe ajo nuk gaboi. Modelja zgjodhi të vishej si njeriu-ujk nga “Thriller” i Michael Jackson.
Makijazhi i pabesueshëm e kishte transformuar atë në një krijesë të frikshme që mbante veshur xhaketën e futbollit.
Ne nuk jemi të sigurt saktësisht se si Klum po ha, pi, flet apo mban gjëra me duart e mëdha të dorës dhe dhëmbët, por mendojmë se ajo është e përgatitur të vuajë për artin e saj. Ndaj dhe quhet Mbretëresha e Halloween-it.
