Vera vjen e mbushur plot me aktivitete si dasma, udhëtime, plazh, pishina dhe festa. Por të gjitha këto duken tepër shqetësuese kur mendon që temperaturat e larta e bëjnë të pamundur t’i mbajmë flokët e lëshuar.
Bishtaleci ndonjëherë duket mënyra më e thjeshtë për t’i shpëtuar vapës dhe ditëve të nxehta të verës. Por nëse doni që modeli juaj i flokëve të mos jetë i mërzitshëm atëherë jeni në vendin e duhur.
Më poshtë do të shihni disa nga modelet e flokëve më të përshtatshme për ditët e verës, frymëzuar nga femrat më të njohura të ekranit shqiptar dhe fashionistat.
1.Gershetat dyshe
Enca Haxhia dhe Zaimina Vasjari sjellin modelin më me stil të verës që është i përshtatshëm në plazh, pishina dhe daljet në darkë.
2.Flokët bisht
Marina dhe Luana Vjollca i qëndrojnë besnike bishtit tradicional, nga ai me flokët e drejta te ai i purshpuritur.
3.Topuz lart
Klea Huta dhe Kida sjellin versionin më interesant të topuzit që ndryshon nga ai i zakonshmi pasi është më trendy.
4.Gjysmë bisht
Luana dhe Beatrix Ramosaj janë me fat që u shkon ky model flokësh gjysmë i kapur, që është një ndër trendet më të ndjekur të verës 2018.
5.Topuz i çrregullt
Një formë tjetër e topuzit është ai i çrregullt që Xhensila Myrtezajt dhe Luana Vjollcës i shkon kaq shumë.
6.Prerje e shkurtër
Jonida Maliqi dhe Dafina Zeqiri i kanë thënë “bye” flokut të gjatë, me këto prerje kaq cool.
7.Karficat në pjesët anësore
Një aksesor minimal, por me kaq stil. Mjaftojnë pak onde dhe dy karficat në pjesën anësore të ballit për t’u dukur kaq bukur si Anxhelina Kotorri, Orinda Huta dhe Elvana Gjata.
8.Flokët e kapur me shami
Shamia, një nga aksesorët më të përshtatshëm për të shmangur diellin që përdoret me stil nga të famshmet shqiptare, si Marsela Çibukaj, moderatorja Liberta Spahiu dhe këngëtarja Enca Haxhia.
Burimi: iconstyle.al
Për t’u njohur të parët me lajmet më të fundit nga showbiz-i, moda, bukuria, aktualiteti etj., shkarkoni falas aplikacionin e iconstyle.al
iOS: (Kliko Këtu)
Android: (Kliko Këtu)
