Shumë shpesh na ndodh që duke u përpjekur t’i rregullojmë vetullat, i shkatërrojmë ato. Na zë paniku, çfarë të bëjmë? Gjithmonë ka një zgjidhje, megjithëse në këtë rast na duhet të presim pak për të arritur rezultatin e duhur.
Vaj, vaj, vaj
Mes kurave natyrale, vajrat zënë vendin e parë. Receta perfekte është ajo me vajin e ricinës, të ullirit dhe të bajameve dhe aplikojeni në vetull para gjumit. Vitamina E me të cilën janë të pasura këto vajra në veçanti, i trash dhe i forcon, përveçse i stimulon të rriten. Edhe vaji i kokosit mund të përdoret për këtë qëllim, mjafton ta aplikoni të vakët dhe ta masazhoni mirë.
Më parë veza
Nëse kemi kohë mund të bëjmë një recetë me vezë, ku përmbajtja e proteinave është shumë e lartë, aq sa ushqen flokët dhe si rrjedhojë edhe vetullat. Për një maskë efikase përdoret vetëm e verdha e vezës e rrahur. Aplikojeni në vetull dhe lëreni për të paktën çerek ore.
Zëvendësimi natyral
Për të ndihmuar rritjen e qimeve të reja është shumë e rëndësishme të bëni një scrub një herë në javë për të zëvendësuar qelizat dhe për të aktivizuar qarkullimin e gjakut me një eksfoliant për lëkurën.
E fundit, por jo më pak e rëndësishme
Nëse nuk mundemi të bëjmë maska vetë, drejtojuni produkteve farmaceutike që stimulojnë rritjen e qimeve të lokalizuara, Të mira janë serumet me bazë flavonoidi dhe peptidi që merren direkt me rritjen e qimeve.
