Zgjedhja e reçipetave të duhura për veshjen tuaj nuk është gjithmonë shumë e lehtë! Keni zgjedhur një fustan të hapur mbrapa, por dukja e reçipetave nuk është gjithmonë e këndshme. Çfarë reçipetash duhet të veshim?
Por tashmë kemi një sërë mundësish zgjedhjeje, me të cilat mund të ruajmë asestet, ndërsa ndihemi njëkohësisht edhe komode. Mos harroni edhe dy këshilla të rëndësishme se si të kujdeseni për to.
1.Veshje të hapur nga pas
Në qoftë se keni një fustan apo bluzë të hapur në pjesën prapa, zgjidhni në vend të reçipetave, kupa silikoni. Ato janë të rehatshme, të papërshkueshme nga uji dhe nga djersa gjithashtu, hiqen lehtësisht pa shkaktuar acarime.
2.Të ndiheni rehat në veshje me “V” të theksuar
Kur dëshironi të ndiheni më rehat mund të përdorni edhe një shirit ngjitësi për të ngritur gjoksin, edhe pse është një mënyrë jo e rekomandueshme, por mund t’ju nxjerrë nga situata.
3.Komode dhe pa rripa
Përdorni reçipeta me rripa, të cilave mund t’ua ndërroni rripat në mënyrë që të mos duken dhe ju të ndiheni rehat.
4.Nëse djersini
Në qoftë se dëshironi të vishni reçipeta, por djersini tani keni një zgjidhje: përdorni reçipetat mikrofibër të cilat janë shumë komode.
5.Si t’i lani
Në qoftë se nuk jeni duke u kujdesur për reçipetat gjatë procesit të larjes ato mund të humbin formën, butësinë dhe elasticitetin e tyre. Kështu që lajini ato në një qese mbrojtëse.
6.Si t’i organizoni
Për reçipetat duhet të keni një sirtar ku t’i ndani ato sipas ngjyrave dhe formave. Kjo jo vetëm që do t’ju sjellë lehtësi për t’i gjetur, por edhe nuk do të humbasin formën e tyre.
Burimi: Harper’s Bazaar
