Ne përpiqemi të sillemi në mënyrën e duhur me njerëzit që na rrethojnë, por harrojmë të bëjmë të njëjtën gjë me veten tonë.
Bëjini pyetjen vetes, nëse e trajtoni veten me aq mirësi dhe dashuri sa të tjetër. Ky është çelësi i lumturisë suaj, ta doni veten dhe të gjeni paqen tuaj të brendshme.
Ja se si duhet të jetë raporti juaj me veten:
1.Pranoni të metat tuaja
Perfeksioni nuk ekziston, por megjithatë shumë njerëz lodhen pa lidhje për ta gjetur atë. Kur pranoni që nuk jeni perfektë, pranoni gjithashtu që keni pikat e forta dhe të dobëta tuaja… dhe kjo është gjë e mirë.
2.Bëni gjithmonë më të mirën
Kur i vendosni vetes tuaj qëllime të pamundura, po e dërgoni veten drejt falimentit. Kur fokusoheni në të bërit gjithmonë më të mirën tuaj, do jeni të aftë të keni pritshmëri më reale për veten dhe atë çfarë mund të arrini.
3.Pushoni së krahasuari veten me të tjerët
Nuk ka rëndësi nëse është komshiu, ndonjë VIP apo njeri që e shihni në TV, por duke krahasuar veten me të tjerët do të ndiheni të pamjaftueshëm. Kur të pushoni së krahasuari veten me të tjerët, i vetmi person që duhet të impresiononi, është vetja juaj.
4.Kini besim në potencialin tuaj
Jo vetëm që përbën shqetësim, por i dërgon një mesazh të qartë subkoshiencës tuaj rreth pritshmërive në jetë. Në vend që të shqetësoheni për gjërat që nuk mund të ndodhin kurrë, përqendroni energjitë dhe përpjekjet tuaja në bërjen e atyre gjërave që dëshironi me të vërtetë.
5.Flitini butë vetes tuaj
Mënyra se si i flisni vetes ka lidhje të pabesueshme me atë se si ndiheni për veten. Nëse i flisni vetes rëndë, në mënyrë kritike apo të nënvleftësuar, vetëbesimi juaj do të “thahet”. Jini roja e vetëvlerësimit tuaj, dhe është e rëndësishme të mos i flisni vetes më rëndë se sa i flisni një foshnje.
6.Sfidoni veten, vetëbesimi dhe vetëvlerësimi janë si muskuj.
Duhet t’i ushtroni që të bëheni më të fortë. Kur sfidoni veten, po i thoni subkoshiencës tuaj që besoni tek vetvetja dhe se po e mbroni veten nga rrethanat e ardhshme të papritura.
7.Pushoni së kërkuari ndjesë
Nëse nuk po jetoni jetën tuaj më të mirë, duhet të analizoni jo vetëm gjërat që ju dalin rrugës, por gjithashtu arsyet që po i lejoni t’ua zënë rrugën. Kur të pushoni së kërkuari ndjesë dhe të filloni të merrni përgjegjësi, do jeni të aftë të shijoni gjërat që janë të mira për jetën tuaj, dhe nuk do të keni më iluzione kur do t’u duhet të ndryshoni qasje për të shijuar diçka tjetër në jetë.
8.Trajtojeni veten me dashuri dhe respekt
Kur e doni veten, do ta trajtoni me shumë dashuri dhe respekt, sikur do trajtonit një njeri të dashur. Duke kuptuar dhe falur veten për dështimet, jini aq të mirë për veten, siç do të ishit me njerëzit e tjerë të rëndësishëm në jetën tuaj.
Burimi: Brightside
