Gjithmonë në kurriz të kostos së ulët, sakrifikojmë edhe cilësinë e ushqimit që konsumojmë. Por nga ana tjetër përpunimi i tepërt i ushqimeve i lë ato me kalori boshe, pra është shumë e lehtë të marrim kaloritë dhe shumë e vështirë të marrim lëndët e tjera ushqyese, si fibra, vitamina, minerale dhe antioksidante.
Në këtë mënyrë nuk mund të themi se kostoja e ushqimit është ulur, madje mund të themi me bindje të plote se ushqimet e lira kushtojnë më shtrenjtë për shëndetin tonë.
Tre rregullat bazë për një program ushqimor pa shpenzuar:
1.Zgjidhni ushqim të vendit
2.Zgjidhni ushqim të stinës
3.Zgjidhni ushqim të papërpunuar në mënyrë që të përfitoni më shumë lëndë ushqyese përkatësisht për kaloritë e tij.
Organizmi ynë ka nevojë për energji dhe për rreth 40 lëndë të tjera ushqyese. Një ushqim që të jetë ekonomik duhet të përmbajë sa më shumë lëndë ushqyese, si në larmi dhe në sasi.
Nëse doni të vlerësoni koston e një ushqimi shihni se sa lëndë ushqyese ofron përtej kalorive, kryesisht sa proteina, fibra, vitamina dhe minerale.
-50 lekë kruasan = 231 kalori, 12 gr yndyrë (të ngurtë), 26 gr sheqer dhe amidon, kaq.
-50 lekë portokall = 470 kalori, 60 gr sheqer, 10 gr fibra, 20% kalcium, 20% vitamine A, 5% hekur dhe 500% vitamine C
