Të bësh foto të bukura dhe të thjeshta në rrjetet sociale, është një sfidë sot për vajzat e reja që kërkojnë të duken sa më natyrale. Shpesh herë, të famshmet shqiptare bëhen shembuj për to, duke pozuar pa makijazh ose me flokët e purshpuritura.
Jo më kot fotot që ato postojnë janë një shembull për të gjitha ato përdoruese të rrjeteve sociale. Këtë herë radhën për të dhënë një mësim “ujë e sapun” e kanë dy këngëtaret e njohura, Jonida Maliqi dhe Ingrit Gjoni. Ndërkohë që Jonida ka shkrepur një foto gjatë trajtimit të lëkurës, Ingriti duket se e ka treguar një moment para gjumit.
Janë të shumta herët kur blogeret më të famshme në Instagram, postojnë foto më robdishan apo peshqir në kokë, ndërkohë që një vaskë plot shkumë i pret në sfond. Të shumta janë edhe rastet kur femrat postojnë nga krevati, para gjumit, ose pas zgjimit, çka i bën edhe më natyrale.
