Gramoz Aliu i njohur si Mozzik ka reaguar pas largimit të vëllait të tij Getinjos nga “Big Brother Vip Kosova” mbrëmjen e djeshme.
Reperi ka ndarë disa foto të vëllait të tij në Instastory. Jo vetëm kaq!
Ka qenë Mozzik ai që e ka pritur Getinjon në dalje të shtëpisë.
“Deri këtu është boll” kështu u shpreh Getinjo Prime-in e mbrëmshëm kur lajmëroi se dëshiron me vullnetin e tij të plotë të largohet nga “Big Brother Vip Kosova”.
Kështu reperi la në mes rrugëtimin e tij në “BBVK”, duke shtuar se për të nuk janë më të rëndësishme paratë, por qëllimi i tij ishte ta njihnin njerëzit si ishte ai në jetën e përditshme dhe të zbehte sadopak paragjykimet që publiku ka për të.
Këtë vendim të reperit, banorët nuk e pritën aspak mirë. Sidomos Stresi i cili ka shpërthyer në lot. Jo vetëm kaq, ai u shpreh se po doli Geti do të dilte edhe ai. Mirëpo Getinjo e ka bindur të vazhdojë lojën.
Më herët edhe Stresi nga presioni i një loje dy ditë më parë kërkoi të largohej nga “BBVK”.
Gjithsesi, më vonë u qetësua dhe vendosi të qëndrojë. Duke folur me banorët ai tha se kishte një bllokim emocional dhe psikologjik, por gjithsesi vendosi të qëndrojë.
