Bashkëshorti i Halyna Hutchins, Matt, është shfaqur tejet i acaruar pas publikimeve të disa pamjeve në momentin që vdiq kinematografja ukrainase në xhirimet e filmit “Rust”.
Familja e Halyna Hutchins ka një kërkesë për Sherifin Adan Mendoza. Në të njëjtën javë që Zyra e Sherifit “Santa Fe” publikoi pamjet, fotot dhe intervistat e papublikuara më parë nga të shtënat fatale në Rust, ET mori një e-mail nga familja. Sipas këtij burimi, familja e kinematografes së ndjerë i kërkon zyrës së sherifit të heqë videon e vdekjes të saj.
Në email, avokati i familjes, Brian Panish, shkruan se, duke publikuar materialet, zyra e sherifit “shkel të drejtat kushtetuese” të Matt dhe Andros Hutchins – burrit dhe djalit të kineastes të ndjerë.
Panish pretendon se “kjo marrëveshje është shkelur kur zyra i publikoi materialet në publik përpara se t’ia jepte materialet zotit Hutchins”.
“Hera e parë që zoti Hutchins pa pamjet shqetësuese të gruas së tij që po vdiste e shtrirë në dyshemenë e kishës ishte në një faqe interneti”, shkruan Panish. “Një respekt më i madh për të drejtat kushtetuese të Hutchins nuk do të lejonte publikimin e pamjeve.”
Panish vazhdon duke renditur “pasojat e mundshme” të publikimit të videos, duke përfshirë frikën se “kjo pamje tronditëse e vdekjes së nënës së Andros mund të jetë material i përdorur nga ngacmuesit për ta abuzuar emocionalisht atë në të ardhmen”.
Dëmi i publikimit të videos, shprehet Panish, është “i pariparueshëm”.
