Superylli i ” The Alpine” duket se ka bërë të ditur se ka dikë të veçantë në jetën e tij. Fernando Alonso la të kuptohet në një video të fundit se është në një lidhje me Andrea Schlager.
Në storyn e tij në Instagram, spanjolli postoi një video të Schlager duke hipur në kalë. 40-vjeçarji shkruajti në mbishkrimin e videos: “Një bukuri e fuqishme!”. Kështu ai la gjithçka të hapur për interpretim për të tjerët.
Ndërkohë, Schlager postoi një video duke sërfuar me Alonson ku shkruante: “Mezi po e pres një verë tjetër”, duke lënë të kuptohet se lidhja mund të ketë zgjatur për shumë muaj.
Gjithsesi, thashethemet për lidhjen e çiftit po qarkullonin prej muajsh. Por tashmë duket se janë gati ta zyrtarizojnë para fansave të F1.
Kush është Andrea Schlager?
Schlager është një fytyrë e njohur mediatike e F1, 39-vjeçarja ka punuar në Sevrus TV që nga sezoni i kaluar. Ajo ishte e njohur më parë për tifozët e sportit vendas për moderimin e saj në MotoGP si dhe për tenisin dhe hokejin mbi akull.
Schlager ka hyrë në botën e motorsportit që në moshë të re. Ajo gjithashtu ka punuar në zyrën e ish-shefit të F1, Bernie Ecclestone. Gjatë garave, reporterja, së bashku me ish-pilotin e garave Christian Klien, jep raporte dhe reagime nga pista.
