Moderatorja Elita Rudi ka ndarë në rrjetet sociale, përmbledhjen e ceremonisë së martesës, vetëm një ditë pas dasmës. Në klipin e përmbledhur, shfaqet Elita e veshur si princeshë me të bardha, duke zbritur shkallët me të atin e saj, teksa moderatori Labinot Gashi shpjegon detajet e ceremonisë me mikrofon për të ftuarit. Gashi rrëfen se ky është momenti i parë që Adrezi do të shohë Elitën të veshur nuse.
“Vjen Elita me babën e vet, si ëngjëll drejt Azdrenit. Është e bukur sepse Azdreni nuk e ka parë Elitën sonte dhe as Elita atë. Ky është takimi i tyre i parë” – shpjegon moderatori Labinot Gashi.
Gjiko, emri i vërtetë i së cilit është Azdren Gjikolli, duket tejet i emocionuar dhe fillimisht përqafon të atin e moderatores. Ndërsa, sodit me detaje bashkëshorten e tij të ardhshme, momente përpara se të celebrohen në martesë nga kryetari i bashkisë së Prishtinës Shpend Ahmeti.
(Ndiqni videon më poshtë)
E veçanta e celebrimit ishte se çifit nuk kishte zgjedhur të krijonte një altar, po tha “Po” në mesin e miqve të tyre.
Mos humbisni edhe kërcimin e parë të çiftit, si burrë dhe grua!
