Ka ndodhur ndonjëherë që shoqet e tua janë përpjekur të të rregullojnë ndonjë takim me një djalë?! Me siguri që edhe ti je gjendur në një situatë të tillë të sikletshme, por ja që edhe mund të funksionojë marrëdhënia pas takimit të parë.
Këtë duan të bëjnë Miloi dhe Charlotte për shoqen e tyre Elsa, në serialin e ri francez të Netflix, “The Hook Up Plan”! Të gjejnë dikë të përshtatshëm për shoqen e tyre, në mënyrë që ajo të harrojë ish-të dashurin të cilin e përndjek me telefonata e mesazhe në mesnatë, dhe i dërgon ndonjë foto nudo tek tuk nga ora 5:00 e mëngjesit!
Si nis historia
Ajo që thur të gjithë planin për ta prezantuar me një mashkull tërheqës Elsa-n, është kaçurrelsja Charlotte, vajza me çapkëne e grupit. Por mashkulli nuk është ndonjë mik i saj, por një eskortë të cilin e ajo e paguan për të argëtuar shoqen, që ka shumë muaj pa kryer marrëdhënie seksuale me një mashkull.
Ajo që është kundër kësaj marrëdhënieje është Miloi, shoqja shtatzënë e Elsa-s, e cila është më e arsyeshme dhe kërkon një lidhje me shpirtërore dhe ndjenja për mikeshën e saj, kur thotë që “nuk varet çdo gjë te seksi”!
Por a do të mundet ajo t’i tregojë Elsa-s se mashkulli që takoi dhe që i la mbresa të mëdha që ditën e parë, ishte në fakt i paguar?!
Le të flasim pak për eskortën!
Jules (Marc Ruchmann), është një mashkull që shoqëron gra dhe vajza në këmbin të lekëve, fle me to për të siguruar jetesën e tij dhe për të ndihmuar të ëmën. Një djalë tërheqës dhe mjaft serioz, e telefonon vetë Elsa-n pas këshillave që i kishte marrë fillimisht nga shoqja e saj. Ai i ka marrë telefonin asaj (dmth ia ka dhënë shoqja e Elsa-s) dhe i kërkon takim për t’ia dhënë personalisht.
Jules i regjistron edhe numrin e tij në telefon dhe dyshja vendos të takohet. Takimi i parë shkon për mrekulli. Të dy ndajnë të njëjtën dashuri për muzikën dhe qeshin, argëtohen, por Elsa largohet pa i dhënë shansin Jules që ta shoqërojë në shtëpi, për të përmbushur detyrën për të cilën është paguar, të flejë me të…
Një super komedi romantike!
Kimia që ka mes kastit e bën edhe më tërheqëse këtë komedi romantike. Ka sekrete që fshehin vajzat, dhe djemtë mes tyre që skenaristi dhe producenti britanik Chris Lang i ka thurur shumë këndshëm.
Elsa, Milou dhe Charlotte janë shumë të lidhura me njëra-tjetrën, mikesha prej vitesh, por mendojnë ndryshe dhe veprojnë ndryshe në shumë situata edhe pse të gjitha duan lumturinë e njëra-tjetrës. Charlote është shtatzënë me vëllain e Milou, me të cilin bashkëjeton, ndërsa kjo e fundit ka një lidhje të fshehtë me vëllain e Charlote.
“The Hook Up Plan” përqendrohet në rolin e gënjeshtrave në jetën e dikujt dhe pse ne ndonjëherë ndiejmë nxitjen për të fshehur të vërtetën nga të dashurit tanë, për t’i mbrojtur ata.
Situatat janë nga më të ndryshmet, nga jeta e një gruaje shtatzënë që lë pas dore partnerin, te seksi i fshehtë, apo përndjekjet e ish-të dashurit, eksperienca që mund t’i ketë përjetuar kushdo, i shohim edhe në këtë serial prej 10 serish, dhe dy sezonesh që kalojnë aq shpejt saqë nuk ndihen!
Epo shikim të këndshëm!
