Nicki Minaj solli në jetë fëmijën e saj të parë, një djalë, në 30 shtator në Los Angeles nga lidhja me bashkëshortin e saj, Kenneth Petty. Gjatë kësaj kohe ajo nuk ka preferuar të flasë shumë për jetën private, por së fundmi ka dalë jashtë kornizës dhe ka treguar diçka më shumë për fansat e saj.
Ajo ka treguar se vogëlushi i tyre i do shumë njerëzit dhe është e lumtur për këtë fakt. Reperja zbuloi se i vogli ka një lidhje shumë të ngushtë me gjyshen e tij dhe se e pret në shkallë deri sa ajo të vijë ta marrë.
“Ajo e merr në krahë dhe ai e përkëdhel nga fytyra. Dhe pastaj fillon e shikon… oh Zot, më fikson”, është shprehur Nicki e emocionuar.
“Për të gjitha nënat që duhet të ngrihen dhe të shkojnë çdo ditë në punë dhe të lënë fëmijën, Zoti ju bekoftë. E di që nuk është e vështirë”, ka thënë reperja gjatë një videoja live me ndjekësit.
Ajo ka shtuar se ndjehet shumë fajtore kur largohet nga djali, qoftë edhe për një periudhë të shkurtër kohore.
Ndërkohë Nicki nuk e ka zbuluar ende emrin e djalit dhe sa herë flet i referohet si “Papa Bear”.
