Brandi quhet qeni hero i Policisë shqiptare, i cili zbuloi personat e gjallë nën rrënojat e 6-katëshit në Durrës.
Heroi me 4 putra i Policisë së Shtetit, kërkoi me ngulm për persona të mbetur nën rrënojat e pallatit 6-katësh në Durrës, goditur nga tërmeti.
Gentian Mullai, zëdhënësi i Drejtorisë së Përgjithshme të Policisë së Shtetit tregon se pasditen e 26 nëntorit, teksa u ndërprenë punimet me mjetet rënda dhe u fikën mjetet që punonin nën rrënoja, u përgatit dhe u fut në kërkim qeni policor.
Pas kërkimit në pjesën perëndimore të banesës, qeni u fut në një tunel, rreth 4-5 metra, nga ku dha shenjë për praninë e njerëzve nën rrënoja, rreth 2 metra në thellësi.
/TCH
