Nga Denisa Çerma
“Gruaja per gruan”, “Woman power”, “Mbeshtesim njera-tjetrën” … PO, edhe unë i kam përdorur këto togfjalësha, ose hashtage…, u kam bërë dhe “like” pa ngurruar madje sa herë kam parë gratë me gratë duke “u mbështetur”…Ama për hir të së vërtetës një sërë pyetjesh më vërdallisen nëpër mend…A është vërtetë kështu? A po e mbështesin gratë njëra-tjetrën kaq shumë e me kaq “fanatizëm” gjininë e tyre? Unë për vete, nuk e besoj shumë, për më tepër më duket shtirje dhe nuk kam frikë ta them hapur…
“Gruaja për Gruan” më duket më tepër një “modë” në kapitalizmin e ketyre viteve të fundit, për t’u dukur bukur, fiks si ato rrobat që veshin/m për t’u rënë në sy njëra-tjetrës, apo si ato fotot e instagramit me çantat e luksit të lëna si padashje në cep të tavolinës, ja ashtu, për të treguar po si padashje “woman’s power” 🙃
E meqë jemi këtu, po e thjeshtojmë muhabetin içik më shumë, po marrim disa anë fare të lehta: Ti shkon në punë, ke veshur një fustan të ri, ke ndryshuar modelin ose ngjyrën e flokut, ose ke kaluar një fundjavë të bukur që e ke “reklamuar” në instagram, “like” ke marr plot, por ama sa kolege të pyesin se si ke kaluar, apo sa të thonë: Me shëndet flokët, ta gëzosh rrobën e re, apo uaaa sa bukur dukesh…. ( këtë të fundin mund edhe të ta thonë
“Sa pjeshkë qenke bërë”, por sikur nuk të shijon shumë e mua për vete më duket më gjasa me tepër si tallje se kompliment! Nejse…!
Leje pastaj të blesh një makinë të re! Puu puuu puuu! “Ta gëzosh” të thonë, por ama fjalia pasuese sapo ndahet nga ty është” Ku i gjeti lekët kjo mi?”
Pra, kjo eshte “women support each-other” …
Gruaja e ka luften me llojin e vetë së pari o të keqen! Gratë shohin njëra-tjetrën nga koka te këmbët e ziejnë ndonjëherë prej inatit a zilisë “Pse nuk jam dhe unë si ajo, pse nuk kam dhe unë çfarë ka ajo tjetra, ç’ka ajo më shumë se unë?”
Deri sa të jemi në këtë lloj rendi, “gratë për gratë” do të jetë thjeshtë një lojë e shtirur për t’u dukur të mira…një marketing i mirë për të fituar ca “like” instagrami e për të t’u lakuar emri…
Po deri atëherë çfarë do të bëjmë?
