“RTV Ora” do të surprizojë shikuesit këtë verë me një emision të ri që do të vijë plot risi.
Në drejtimin e dy gazetarëve, Ronaldo Sharka dhe Albana Çaushaj, programi do të na shoqërojë gjatë ditëve të nxehta, për të ardhur si “flladi” për të cilin kemi nevojë në këto temperatura të larta.
Emisioni do të titullohet “Ora verore” dhe synon të përcjellë për publiku shqiptar për më tepër se 30 ditë, gjithçka që ndodh në jug të vendit.
Një format i tillë do t’i qëndrojë më pranë jo vetëm pushuesëve, por edhe atyre që s’kanë mundësi që këto ditë të nxehta të jenë buzë detit.
“Detyra jonë” është të bëjmë më të mirën që t’ju sjellim ‘flladin” në mes të verës së nxehtë “Detyra juaj” është të na ndiqni.”- shkruhet krahas spotit të emisionit.
Gjatë videos së “Ora verore” shfaqet edhe mjeku i njohur infeksionist, Pëllumb Pipero, i cili shprehet se edhe këtë verë do të argëtohemi, por me shumë kujdes!
Ende nuk është bërë e ditur një datë nisjeje për emisionin, megjithatë pritet ta shohim në ekran shumë shpejt.
