Dafina Zeqiri dhe Dj i saj, Geek, i dhanë fund disa muaj më parë lidhjes së tyre, të cilës i ishin rikthyer disa herë pas ndarjes.
Lart e poshtë u fol se arsyeja e shkëputjes së marrëdhënies ishte fakti që Dj Geek nuk kishte ende dëshirë të krijonte familje, megjithatë vetëm ata të dy e dinë më mirë shkakun e vërtetë të ndarjes.
Dafina u pa orët e fundit krah një mashkulli të ri, të cilit i zbuluam shpejt edhe identitetin.
I dashuri i ri i Dafinës është biznesmeni Kreshnik Gjergji, një figurë e panjohur për botën e showbizit shqiptar.
Por, si e priti Dj Geek lidhjen e re të Dafinës? Duket se tepër mirë, pasi dyshja po vazhdon bashkëpunimet dhe kjo romancë nuk i ka penguar në punë.
Nëpër koncerte gjithashtu, Dafina dhe Dj Geek vazhdojnë të shkojnë bashkë dhe e ndjekin ende njëri-tjetrin në rrjete sociale. Pra, asnjë hatërmbetje!
