Megan Fox është nënë e tre fëmijëve, Bodhi Ransom, Journey River dhe Noah Shannon.
Ky i fundit, që në moshën 2 vjeçare ka preferuar të veshë fustane dhe Megan e ka lënë të lirë në zgjedhjet e tij. Madje, ka bërë një punë të madhe me veten për t’u treguar e përmbajtur dhe për ta kaluar me sukses një fazë të tillë.
Megjithëse po përpiqet të punojë me veten, Megan sërish haset me komentet negative të njerëzve për preferencat e djalit të saj. Në shkollë janë komentet më të shumta bullizuese, teksa Megan dhe i biri dëgjojnë fjali të tipit “Djemtë nuk veshin fustane.”
Sigurisht kjo gjë e shqetëson, por nuk e lë t’i ndikojë më tepër. Megan ka lexuar mjaftueshëm libra që shpjegojnë se veshja e fustaneve nga djemtë është një mënyrë e të shprehurit të vetes dhe stilit, dhe nuk ka të bëjë me orientimin seksual.
“Ka shumë gjëra që më shqetësojnë, sepse do të doja që njerëzimi të mos ishte kështu. Edhe pse fëmija im është i guximshëm, aq i guximshëm sa e ka zgjedhur këtë rrugëtim për një arsye. Por është e vështirë edhe për mua si nënë. S’mund ta kontrolloj mënyrën se si njerëzit reagojnë ndaj fëmijës sim, nuk mund të kontrolloj as gjërat që fëmijët e tjerë thonë dhe përsërisin. Kjo është arsyeja pse s’i lejoj fëmijët në Instagram, apo rrjetet sociale.
Jam shumë krenare për fëmijët e mi. Noah është një pianist fantastik. Ai mund të mësojë koncertin e Mozart-it në një orë. Dua që njerëzit ta shohin këtë, por nuk dua që bota të ketë akses në shpirtin e tij të butë dhe të thotë gjëra që të gjithë ne e dimë që do t’i thotë.”
