Megi Pojani përflitet prej kohësh për romancën e saj me futbollistin Endri Çekiçi.
Moderatorja ishte e ftuar së fundmi në një intervistë në “Ftesë në 5”, ku pyetjet rreth jetës së saj personale nuk munguan.
Moderatorja u pyet se si e ka gjetur festa e të dashuruarve dhe përgjigja e saj la të kupohet se ka diçka për të thënë, por ajo nuk preferon ta ndajë publikisht.
“Ky Shën Valentin më gjeti duke parë “Big Brother-in” sepse nesër kisha “Fun Club-in”. Apo ishte të martën Shën Valentin-i? Kam qenë me 39 temperaturë, më kanë ndenjur afër motrat e mia. Nuk do nxjerrësh asgjë nga unë, edhe nëse do ishte elektrike kjo karrigia”- tha Megi.
Por ngacmimet e moderatores së emisionit nuk mbaruan me kaq. Sërish ajo e pyeti Megin për “çështjet e zemrës” dhe ajo zgjodhi përsëri ta anashkalojë pyetjen.
“Më kanë thënë që sot jam e ftuar për të folur vetëm për “Fun Club-in”, jam shumë profesionale”-tha Megi.
Megi Pojani mund të mos e pranojë asnjëherë romancën e saj me Endri Çekiçin, por ky i fundit “tregoi” diçka më shumë për statusin e tij.
Gjatë një interviste për “TAR”, Çekiçi “u ngacmua” pak edhe për jetën personale, duke qenë se kohët e fundit ka qenë në qendër të vëmendjes së mediave rozë për një lidhje të tij me moderatoren Megi Pojani. Futbollisti tha se për momentin, statusi i tij është “complicated (i komplikuar)”, pra jo edhe aq i thjeshtë sa mund të mendohet. Ndërkohë i pyetur nëse golat e tij ja dedikon “mamit me M”, Endri u përgjigj me “Po”, pasi në fakt edhe mamasë së tij emri i fillon me këtë shkronjë.
Nga ana tjetër futbollisti pranoi se emisioni i tij i preferuar këto kohë ishte “Big Brother VIP”, ndërsa tha se e ndjek edhe “Big Brother Fan Club” sa herë që ka mundësi. Kujtojmë se ky program drejtohet nga Megi Pojani këtë sezon.
