Pas ditësh në arrati, më herët këtë javë, konkretisht të hënën u arrestua Feronit Shabani i njohur si Fero. Së fundmi është bërë me dije masa e dënimit që do të vuaj reperi, i cili akuzohet për “Shkaktim të rrezikut të përgjithshëm”, pasi shtiu me armë në një lagje të Gjilanit.
Lajmin për këtë e konfirmoi zëdhënësi i Gjykatës Themelore në Gjilan, Sabit Shkodra.
“Iu konfirmoj që gjyqtari i procedurës paraprake ka aprovuar kërkesën e Prokurorisë Themelore në Gjilan, duke i caktuar masën e paraburgimit në kohëzgjatje prej 30 ditësh”-tha ai.
Kujtojmë që ky nuk është rasti i parë që Feronit Shabani arrestohet, reperi në gusht të vitit që sapo lamë pas vuajti dënimin me paraburgim.
Atë kohë Fero ishte arrestuar për shkak se u filmua duke sulmuar një person në makinën e tij.
Asokohe avokati i reperit shtoi se personi në makinë kishte vendosur një këngë të Unikkatilit, ku në të shahej dhe ofendohet rëndë Fero.
“Personi brenda veturës ka qenë duke lëshuar një këngë të Unikkatilit, në të cilën reperi Fero shahet dhe ofendohet rëndë dhe mu përmes së saj, ai e ka provokuar Feron, ku ky i fundit nuk e ka duruar presionin dhe ka nisur konfliktin në afekt. Personat që i ka sulmuar as ky nuk i njeh, pasi rasti ka ndodhur pa paramendim, pra nuk ka të bëjë me ndonjë hasmëri”, nënvizoi avokati Halimi.
