Duke marrë shkas nga rritja e rasteve të reja me Covid-19, kryeministri Edi Rama u është rikthyer daljeve në Facebook, ndonëse vetëm në fillim të muajit bëri daljen e tij të fundit online për epideminë.
Duke përmendur rritjen e numrit të infektuarve, Rama u ngriti pyetjen “nëse do të bëhemi njerëz” apo të rikthehet karantina?
“Trendi në rritje jo vetëm mund të na sjellë dëme të rënda dhe mund të na detyrojë të kthehemi mbrapsht deri në gjetjen e ilaçit të sigurt që është vaksina. Do e bëjmë si lopa që i bie me shkelma kovës së qumështit pasi e mbush? Jam shumë i shqetësuar dhe dua të dini se nuk ka ndërmend të bëj sehir. Armiku i padukshëm nuk ka ikur. Nuk duhet ta bëjmë me të keq gjënë e duhur në këtë situatë, nuk dua të ndëshkojmë bizneset nëse nuk marrin masat për sigurinë e shëndetit të njerëzve. Ekonomia bie dhe ekonomia ringrihet prapë ndërsa të vdekurit nuk ngrihen.Ti thërrasim mendjes të bëjmë gjënë e duhur, e kemi vetë në dorë.”
https://www.facebook.com/edirama.al/videos/545834549632998/
Ditët e fundit bilanci nga Covid-19 ka qenë alaramant, pasi Ministria e Shëndetësisë ka informuar për shifra rekord të infektuarish.
Ditën e sotme u shënua bilanci më i thellë nga fillimi i epidemisë, 44 raste të reja dhe në total numërohen 1385 të infektuar.
Sakaq, janë regjistruar edhe 2 vdekje dhe tashmë numri i viktimave nga Covid-19 ka shkuar në 35.
Ndërkohë numri i të shëruarve ka shkuar në 1001. /gazetareforma
