E ftuar pasditen e sotme në emisionin “Ftesë në 5” me Bieta Sulon ishte moderatorja shumë e dashur për publikun shqiptar, Jona Spahiu.
Teksa fliste për jetën e saj si një nënë e re dhe raportet me partnerin, moderatorja u surprizua në studio nga kunata e saj, Drita, e cila doli në një lidhje live.
Nëse deri tani postimet e Jonës në Instagram nuk kishin mjaftuar për të kuptuar raportin mes tyre, moderatorja tregoi se ato janë motra e kaluar motrave!
Aq të lidhura janë me njëra-tjetrën, saqë Drita është totalisht #TeamJona dhe i qëndron pranë në gjithçka.
Madje, kunata e modertores tregoi me shaka se për shkak të Jonës ka nisur të dojë më shumë vëllain e saj, Frenklin.
Biseda në studio është zhvilluar mes të qeshurash e kujtimesh nga fragmente ‘funny’ të vajzave, të cilat duket se kalojnë aventura të shumta me njëra-tjetrën.
Si qershia mbi tortë për ta mbyllur, Drita e “sfidoi” partneren e vëllait të saj me një këndim live në studio të këngës “Gocë Tirone jom”, të Artiola Toskës, sfidë të cilën Jona e pranoi dhe e realizoi me sukses.
Për më tepër, ndiqni videon:
