Të dielën e kaluar një ngjarje e rëndë ndodhi në Rusi, ku një avion u përfshi nga flakët dhe u detyrua të bëjë një ulje të menjëhershme në një aeroport në Moskë.
Në bord ishin 78 persona dhe fatkeqësisht 41 prej tyre kanë humbur jetën.
Shumë video të avionit të përfshirë nga flakët u bënë virale, ndërkohë vëmendjen po ashtu na tërhoqën disa persona të cilët po dilnin prej tij dhe kishin marrë edhe valixhet e tyre me vete, në një kohë që ky veprim përveçse bie ndesh me protokollin, bie ndesh edhe me shumë faktorë të tjerë.
Një ndër këto të fundit përmendim atë të shpëtimit të jetës së një personi, që është një nga arsyet kryesore pse ligjet apo rregullat hartohen.
Meqë po flasim për rregullat, kriteri bazë dhe kryesor në raste të këtilla është të mos marrësh asgjë me vete. Thuhet se në rastin e avionit në fjalë, pasagjerët që arritën të shpëtonin kanë marrë edhe gjërat personale të tyret me vete, duke mundësuar kështu ngadalësimin e operacionit për shpëtimin e bashkëudhëtarëve të cilët sot nuk jetojnë më.
Pra ky veprim i rëndë i shumë prej personave që arritën të mbijetonin, kategorikisht ra ndesh me protokollin dhe lidhur me gjithë këtë çështje i gjithë rrjeti aktualisht po “gëlon”, ndërkohë pritet të merren edhe masat përkatëse… /balkanweb.com
