Zona e ish-bllokut është tronditur mesditën e sotme pasi një shpërthim i fuqishëm ka ndodhur në një apartament në katin e dytë në rrugën “Vaso Pasha”.
Nga shpërthimi mësohet se kanë mbetur të lënduar 4 persona, mes të cilëve edhe një vajzë e cila punonte në argjendarinë aty pranë dhe është marrë me urgjencë për trajtim mjekësor në spital.
Forcat e policisë dhe ato zjarrfikëse kanë mbërritur në vendin e ngjarjes në rrugën “Vaso Pasha”, ndërsa dyshohet se bëhet fjalë për një bombël gazi, që ka shpërthyer në një dyqan tullumbacesh.
Të plagosur mbetën tre vajza që ndodheshin brenda dyqanit dhe një djalë.
Xhamat e biznesit janë thyer menjëherë ndërsa në rrugë janë shpërndarë edhe copëza betoni dhe objektesh pasi shpërthimi ka qenë i fuqishëm.
Në vendin e ngjarjes mbërriti edhe Rebani Jaupi, drejtori i Policisë së Tiranës.
