Me siguri hiti “Hajt hajt” i Butrint Imerit ka qenë refreni i ditëve tuaja që prej muajit qershor dhe ju ka shoqëruar në makinë, në plazh apo diskotekë. Pas suksesit të këngës së publikuar muajin e kaluar, Butrint Imeri po përgatit një projekt të ri, për të cilin jemi të bindur se do të kthehet gjithashtu në hit.
Reperi po bashkëpunon me artistin zviceran Nemo dhe një pjesë të këngës e ka ndarë me ndjekësit e tij në Instagram.
“Ça po don Porsche, Bentley, Maybach zemer, ça, ça, ça? “, shkruan Butrinti krahas videos, duke zbuluar pak nga teksti i këngës.
Kujtojmë se kënga e mëparshme, “Hajt hajt” tërhoqi vëmendjen e të gjithëve për shkak se pjesë e videoklipit ishte moderatorja Kiara Tito, e përfolur vazhdimisht për një lidhje dashurie me Butrintin.
