Për 6 muaj me radhë një vajzë 18-vjeçare ishte e shpallur e humbur nga familja e saj, por e vërteta ishte krejt ndryshe.
Pas kthimit në shtëpi adoleshentja tregoi vetë se kishte jetuar me dajën e saj me të cilin kishte krijuar një marrëdhënie.
Top Channel raporton se prokuroria kërkoi shpalljen fajtor të Edmond Kolës dhe dënimin e tij me katër vite burgim për marrëdhënie seksuale në gjini.
18-vjeçarja tregon në rrëfimin e saj se ishte kthyer në shtëpi menjëherë pasi e kishte kuptuar që kjo gjë ishte e ndaluar dhe se “pas kësaj prindërit u distancuan me dajën, ndërsa kishin ndërprerë menjëherë komunikimin me të afërmit dhe familjarët e mamasë”.
Adoleshentja kishte tentuar të vazhdonte jetën duke u regjistruar në një kurs parukerie, por daja i shkruante dhe dilte në rrugë duke i thënë hajde të ikim në Gjermani, se në Shqipëri na njohin.
Daja i vajzës ka pranuar që pas largimit nga shtëpia ishin fshehur në Pogradec dhe Shkodër, por ai justifikohet me pretendimin se ka kryer marrëdhënie nën efektin e alkoolit.
