“Dolce & Gabbana” nuk është i panjohur për nxitjen e polemikave. Në të kaluarën, dizajnuesit italianë i emërtuan një palë këpucë “sandale skllavësh”, duke i quajtur fëmijët in vitro” “sintetik” dhe së fundi, duke shprehur mbështetjen e tyre për të veshur Melania Trump.
Këto ditë një palë atlete të bardha të zbukuruara po bëjnë që përdoruesit e mediave sociale t’i kundërvihen markës italiane të modës. Atletet e koleksionit Vjeshtë 2017 janë zbukuruar me xixa, qëndisje dhe mesazhe me stilolaps. Një prej mesazheve shkruan “Unë jam e dobët dhe e mrekullueshme”.
E gjitha nisi kur Stefano Gabbana ndau me fansat e tij imazhin e atletes.
“Mendoj se është pak e papërgjegjshme të japësh mesazhe të tilla si “E dobët dhe e mrekullueshme”. Shpresoj që kjo do të pasohet nga një mesazh i përfshirjes së të gjitha llojeve të trupave”, komentoi dikush, ndërsa një tjetër shkroi: “E dobët? U zhgënjeva”.
Për t’i bërë gjërat edhe më keq, Gabbana i shkroi disa prej komentuesve negativë në “Instagram” një seri përgjigjesh që ishin edhe më “shokuese”, sesa vetë atletet. Gabbana shkruante: “Mendon se është më mirë të jesh i mbushur plot me hamburger??? Budalla” apo “E dashur, preferon të jesh e shëndosh dhe plot me kolesterol? Mendoj se ke një problem”.
Marka ende nuk ka reaguar zyrtarisht për situatën.
Burimi: Yahoo
